NEWS

Holz Limacher – Der Anfang eines umfassenden Erscheinungsbildes

Allarabiate – Schnitzelbänke zur Fastnachtszeit

Duäd sich Frai Burch ächt so gfallä
dass mä uf dä Fotofallä.
hundert Mal und no chli meh
überall chasch s’Lisbeth gseh.
ä Fuchsabwehr bruichts keini meh
der Fuchs hed alli Fotäli gseh.

dr’Hermann und Elsbeth schwebid uf Wolkä siebä
was hend diä Beidä da wohl triebä?
geiferid und lallid s’isch ä gruis
torklid, giggälid ums ganzä Huis.
längid nid i jedi Dose drii
s’chenntid Hanfchräpfli vo dr Tochter sii.

Karton, Pet, Glasfläsche ai
Kind und Kegel, sogar si Frai.
Kaffimaschinä samt em Filter
als lat är uf si alti Schilter.
das wott der Guggä Jo entsorgä
niid vergässe nur kei Sorgä.
alles dr bii, dich sett mä schwartä
vergässe hesch d’Entsorgigs-Chartä.

Dr della Torre fragt der Weinstein a
chasch mini Rosä z’Chärns günschtig ha.
Dä Fraiä längsch ja gärn i Schritt
drum gib dr s’Bethli ai grad mit.

D’Angi sett Finger vo Dütschland lah
sie überleid sich uf Jamaika z’gah.
Zeig doch am Trumpi wie mä regiert
und wie mä das blödä Touped frisiert.

D’Finanzä z’Obwaldä diä stand krumm
machids wiä diä Dütschä, dass isch gar nid dumm.
baut nen Bewegungsmelder ein
in den Ämtern bewegt sich eh kein Schwein.
Da derzuä nu äs paar interessanti Zahlä:
Ei Person bruicht pro Tag ohni sich z’bewegä nur für Licht ca. 24. Rp. Strom x 410 Kantonsangestellti ergit Fr.98.40 Stromkoschtä pro Tag.
Im Jahr sind das Stromköschtä vo ca. 25'500.00 Fr.
Stellid üch vor, was das für Köschtä würd uislösä, wenn sich diä Lüüt no würdid bewegä.

D’Rita Anderhaldä isch mit Parkticket äs Goof
Lungeräbahn – Spital Sarnä macht sie äs Gnoosch.
Ä Wuchä gahd umä, sie wird vermisst
will’s z’Sarnä kei Tickets vo Lungerä frisst.
Sie schluchzt i Sarner-Chaschte, oh nei
lahnd mich doch bitte wieder hei.

D’Häsli zitterid und sind bleich
Füchs vor Angscht ganz pfluderweich.
Gämschi chennt sich nimmä rodä
Murmäli chrazid a dä Hodä.
Bär vergiss di Häxeschuss
als Jägeri des Jahres isch sie duss.
Jetzt herid uif und diänd normal
d’Imfäld isch nid erschti Wahl.

Dr Gmeindspräsidänt griän und lingg
kocht für Gescht am Gashärd flingg.
Da gahd s’Gas uis das isch ä Seich
s’Fleisch no roh und de Beat bleich.
Viele Wege führen nach Rom
oder zum Nachbuir wo koched mit Strom.
So treid mä diä Pfanne über Gass
koched s’Menü bim Koster Thomas.

Es schuftet eine uf em Allmendplätz
schwitzt und stöhnt und fluecht wie lätz.
Stund um Stund i der gröschtä Hitz
es isch halt ai ä rächte Bitz.
Gori gopfertori – chrampfsch für Katz
dui määisch da uf em Nachbarplatz.

Dä Weinstein in Hollywood äs Säuli, oh wimmer
in Sachslä, im ärnscht, triebts einä viel schlimmer.
Ob Brünigschwinget oder dur Russland durä
Immer blasd dr Ärnschd uf sinerä Flötä umä.

Sie wett so gärn i Uisgang gah
hed ä verumpfti Bluisä a.
ich glettä diräkt am Dekolltee
das macht dr Bluisä gar nid weh.
Äs stinkt zwar nach verbrenntem Fleisch
für Bruschtwarzä isch es eifach z’heiss.
Da zischts und s’Muschter vo dr Blusä
gsehsch ewig uf ihrem super Buisä.

Dr Abächerli Wisi isch ä rächtä Burscht
treid im Rucksack Brot und Wurscht.
Schätzt diä frischi Alpäluft
wohär chunnt dä Schissdräckduft?
Luäg nid schräg, frag nid dumm
dini Tochter weiss warum.
Windlä voll mit Gagi-Brei
diä treisch dui im Rucksack hei.

Die Schweizermeisterschaften der Käser finden im Herbst 2018 in Luzern statt. – … mehr >